Erfiðleikar hjá Mikhael hörðum stuðningsmanni West Ham í Sierra Leone

22. febrúar 2010 | 20:56:44

Eins og við sögðum frá hérna á heimasíðunni í fyrra þá er ungur maður Michael sem býr Freetown í Afiríkuríkinu Sierra Leone sem er einlægur stuðningsmaður West Ham. Michael hefur oft litið við hjá hjónunum Ingunni Önnu Jónasdóttur og Engilbert Guðmundssyni og tekið til hendinni í garðinum þeirra í Freetown

Þau Ingunn og Engilbert, sem eru frá Akranesi hafa búið í Sierra Leone í nokkur ár og er  Engilbert bankastjóri Alþjóðabankans í landinu, en bankinn hefur unnið að uppbyngu í landinu eftir hörmulega borgarastyrjöld sem þar geysaði í áratug.

Þegar Ingunn var á Akranesi á síðasta ári sagði hún Sigþóri Eiríkssyni formanni West Ham klúbbsins á Íslandi frá áhuga Michael á ensku knattspyrnunni og West Ham. Við sendum honum West Ham treyju og nokkra hluti frá klúbbnum á Íslandi

Í síðustu viku sagði Ingunn okkur frá því að Michael hefði nýlega orðið fyrir sárri sorg þegar hann missti eiginkonu sína frá þremur börnum þeirra, en hún lést við fæðingu þriðja barns þeirra.

En þrátt fyrir þetta áfall bæri Michael sig ótrúlega vel og var mættur í garðinn hjá Ingunni og Engilbert s.l. laugardag í West Ham treyjunni sinni sem hann klæddist nánast öllum stundum. Ingunn tók þá þessa mynd af honum.

Við munum að sjálfsögðu senda Michael nýja treyju til skiptanna sem allra fyrst.