9. mars 2010 | Sigþór B. Eiríksson

Scott Parker ósáttur með frammistöðuna gegn Bolton

Scott Parker, sem var besti leikmaður West Ham í tapleiknum gegn Bolton á laugardaginn sagði í viðtali við dagblaðið Evening Standard að frammistaða liðsins gegn Bolton á laugardaginn hefði verið skammarleg og þeir hefðu ekki átt skilið að fá neitt út úr leikinum. Bæði mörk Bolton hefðu komið eftir slæm varnarmistök og byrjun liðsins í leiknum hefði verið afleit og sóknarleikurinn í molum. Miðað við mikilvægi leiksins hefðu leikmenn verið miður sín yfir frammistöðunni að leik loknum og ætluðu leikmenn að taka sig saman í andlitinu og þeir hefðu ekki efni á slíkri frammistöðu aftur.

Bandaríska MLS liðið Jan Jose Earthquakes sigraði varalið West Ham í gærkvöldi 2:0 og fór leikurinn fram á Upton Park. Jordan Spence skoraði sjálfsmark strax á 8.mínútu og Ryan Johnson skoraði seinna mark Jan Jose á 50.mínútu.

West Ham stefndi fram nokkuð frambærulegu liði en dugði ekki til. En liðið var þannig skipað.

Peter Kurucz, Bondz N´Gala, Manuel Da Costa,Danny Gabbidon,Fabio Daprela, Kieron Dyer, Jordan Spence, Josh Payne, Anthony Edgar, Ilan og Mido.

Unglingalið West Ham voru sigurvegarar helgarinnar en þeir sigruðu unglingalið Crystal Palace 3:0 á heimavelli. Dominic Vose (2) og Frank Hall skoruðu mörkin í leiknum

7. mars 2010 | Sigþór B. Eiríksson

Bolton-grýlan lifir enn góðu lífi.

West Ham hefur nú tapað fimm leikjum í röð gegn Bolton í deildar og bikarleikjum. Ótrúlegt hvað West Ham gengur ílla á mót liðinu og enginn breyting var þar á í gær þegar West Ham tapaði 1:2 á Upton Park. Leikmenn Bolton komu vel stemmdir fyrir leikinn og byrjuðu af miklum krafti á sama tíma og heimamenn voru algerlega andlausir.

Strax á 10 mínútu náði Bolton forytunni þegar Lee Chung-Yong náði óáreittur að sendi fyrir markið og boltinn sveif yfir James Tomkins, sem átti afleitan leik og beint á höfuðið á Kevin Davis sem átti ekki í vandræðum með skalla í markið af markteig. Enn syrti álinn aðeins sex mínútum síðar þegar Tomkins lét Davies fara ílla með sig en hann var að skíla boltanum áður enn færi yfir endamarkalínuna en Kevin Davis náði að setja löppina framfyrir hann og koma boltanum fyrir markið og Cohen skallaði boltann á Jack Wiltshire, sem skoraði af öryggi og staðan orðinn 0:2 og vonlítil. á næstu mínútum voru gestirnir lílegri til að bæta þriðja markinu við en að West Ham minnkaði muninn. En West Ham fékk tvær aukaspyrnur með stuttu millibili um miðjan hálfleikinn. Úr þeirri fyrri skaut Alessandro Diamanti naumlega yfir en úr þeirri síðari varði Jasskelainen mjög vel. En besta færi hálfleiksins átti Carlton Cole þegar hann komst einn innfyrir vörn Bolton eftir sendingu frá Scott Parker, en hann var of seinn að skjóta og varnarmaður Bolton náði að pota boltanum frá Cole. En á lokamínútum fyrri hálfleiksins fékk Elmander algert dauðafæri þegar hann skaut yfir af vítapunkti eftir sendingu frá Kevin Davies.  Staðan því 0:2 í hálfleik og áhorfendur á Upton Park bauluðu á lið sitt þegar það gekk af velli.

Líklega hefur Zola eitthvað lesið yfir sínum mönnum í hálfleik og komu þeir mun krafmeiri til leiks í síðari hálfleik, en vörn Bolton gaf ekkert eftir og sóknarleikur West Ham vandræðalegur og allt hugmyndaflug skorti. Það var ekki fyrr en Tamir Cohen var rekinn af leikvelli með tvö gul spjöld að West Ham náði tökum á leiknum. En gekk erfiðlega að skapa færi. Það var svo loks á 88.mínútu sem Allesandro Diamanti náði að minnka muninn með glæsilegu marki þegar hann skrúfaði boltann í fjærhornið. 1:2.

Fimm mínútum var bætti við leiktíminn og á þeim tíma náðu bæði liðin að skjóta í þverlá. Fyrst skaut títtnefndur Kevin Davis í slánna eftir skyndisókn og svo á fjórðu mínútu í uppbótartíma skaut Junior Stanislas í þverslánna og munaði aðeins hársbreidd að West Ham jafnaði óvænt.

Gianfranco Zola og Steve Clarke verða taka á sig hluta af ábyrgðinni fyrir þessu tapi. Liðið kom algerlega stemmingslaust til leiks og svo auk þess sem allt of margir leikmenn liðsins áttu afleitan leik. Er sá listi langur, Matthew Upson, James Tomkins, Carlton Cole, Valon Behrami og Guissi Franco léku allir langt undir getu.

En sem fyrr var Scott Parker besti leikmaður  liðsins, en hann og Alessando Diamanti voru bestu menn liðsins. Næsti leikur liðsins er gegn Cheslea á útivelli og verður það erfiður róður og þetta tap gegn Bolton gæti orðið dýrkeypt. En það vann með West Ham að öll liðin í botnbarátunni töpuðu einnig leikjum sínum um helgina.

 

 

5. mars 2010 | Helena

West Ham United - Bolton Wanderers: Spá

Laugardaginn 6. mars, kl. 15.00

Dómari: Lee Probert

West Ham tekur á móti Grétari Rafni og félögum í Bolton á Boleyn Ground á morgun.

Í gegnum tíðina er West Ham með vinninginn í viðureign liðanna en upp á síðkastið hefur þeim gengið heldur brösulega með Boltonmenn. West Ham hefur ekki unnið eina einustu af 6 síðustu viðureignum þessara liða og aðeins einu sinni náð jafntefli. Þeir hafa hins vegar tapað síðustu 5 leikjum á móti Bolton.

Gengi West Ham í deildinni hefur verið að batna og hafa þeir aðeins tapað einum af síðustu 6 heimaleikjum og unnið þrjá. Þeir hafa ekki fengið á sig mark í síðustu fjórum heimaleikjum.

Bolton hefur aftur á móti gengið vægast sagt illa í síðustu útileikjum og hafa aðeins náð einu jafntefli í síðustu 6 - þeir hafa ekki unnið í síðustu 10 útileikjum.

Það má segja að þetta sé enn einn 6 stiga leikurinn, það munar aðeins einu stigi á liðunum: West Ham er með 27 stig í 13. sæti og Bolton með 26 í því 15.

Hvorugt liðið má við því að tapa og er hætt við að leikið verði af nokkurri varúð. Ég ætla rétt að vona að West Ham nái sigri því þeir eru klárlega betra knattspyrnulið en Bolton. Ef leikmenn mæta rétt stemmdir til leiks þá vinna þeir þennan leik og ég held maður verði að gera ráð fyrir því. Spá: 2-1

 

 

3. mars 2010 | Sigþór B. Eiríksson

Þrír leikmenn West Ham í enska landsliðinu.

Þeir Robert Green og Matthew Upson léku allan leikinn þegar Englendingar sigruðu Egypta 3:1 í vináttulandsleik á Wembley í kvöld. Þriðji West Ham leikmaðurinn Carlton Cole kom inn á þegar um sex mínútur voru eftir af leiknum í stað Wayne Rooney.

Valon Behrami lék í 75 mínútur þegar Svisslendingar töpuðu 1:3 í æfingaleik gegn Úrugvæ sem fram fór í Sviss í kvöld. Annar svisslenskur landsliðsmaður hjá West Ham Fabio Daprella lék með U-21 árs liði Svisslendinga sem gerði 1:1 jafntefli Póllandi í kvöld.

Þeir David Sullivan og David Gold biðla nú til Matthew Upson að semja við West Ham, en hann á eitt ár eftir af samningi sínum við félagið. Þeir segja að hann gæti átt góð ár hjá West Ham, sem fyrirliði liðsins.

 

 

Eldra efni

Eldri greinar

Nýrri greinar